Hvat er Leikarafelagið?

Hvat er Leikarafelagið? Leikarafelag Føroya er fakfelagið hjá yrkissjónleikarum og yrkislærdum leikhúsfólki í Føroyum. 

Høvðusendamálið er at menna føroyska yrkisleiklist, og styrkja um støðuna hjá leiklistini í samfelagnum.

Eitt av málunum við fakfelagnum er at savna øll tey í eitt felag, sum hava fingið sær útbúgving innan sjónleikarayrki. Tað vil siga ljóð- og ljósteknikarar, leiklistafrøðingar, pallsniðgevar, leikstjórar og sjónleikarar.

Okkara uppgáva er at umboða limir okkara í sáttmálasamráðingum, og veita teimum hjálp og ráðgeving og stuðla teimum í teirra rættindum, umframt at samskifta við útlendsk feløg og altjóða felagskapir á leiklistarliga økinum.

Arbeiðsøki hjá felagnum er allur yrkissjónleikur; leikstjórn; útvarpsleikir og upplestur; sjónvarpsleikir og upplestur; film; leiklistafrøði; undirvísing og skeiðvirksemi; lýsingar; undirhald og annað leikhúsyrki.

 

Samstarv

Leikarafelag Føroya er limur í Listafólkasambandi Føroya, stytt LISA. Eisini velir Leikarafelag Føroya 3. hvørt ár lim í Leiklistaráðið.

Leikarafelag Føroya samstarvar eisini við norðurlendsk sjónleikanetverk. Nordisk Teater Union, stytt NTU, sum er felagsskapur fyri øll leiklistasambond í norðurlondum.

Harumframt er Leikarafelagið við í arbeiðnum hjá Nordisk Skuespillerråd, stytt NSR, sum er felagsskapur fyri leikarafeløg í norðurlondum.

Les meira

Tín limaskapur hevur stóran týdning

Leikarafelag Føroya - eitt ungt felag í einum lítlum landi, har yrkissjónleikur hevur røtur aftur í 70'ini. 

 

Vit hava øll hoyrt søgur um hvussu sjónleikahúsini kring landið fyrr vórðu væl vitjað og at tað var vanligt at leita sær til ein sjónleik, kabarett ella eitt teiti. Føroyingum hava altíð dámd 'at hyggja eftir sjónleiki'.

Sum fakfelag arbeiða vit við at styrkja grundina undir yrkisleiklistarumhvørvinum. Eitt samfelag er sterkt tá tað rúmar einum breiðum listarligum umhvørvi. Tað leiklistarliga umhvørvið, hevur til uppgávu at fylgja við samfelagnum og lýsa og vísa samtíð, samleika og søgu okkara á leikpallinum - bæði her heima og við at samstarva uttanfyri landoddarnar.

Listarligi arbeiðsmarknaðurin í Føroyum veksur fyri hvønn dag og tískil er týdningamikið at eitt fakfelag arbeiðir fyri at rættindi og arbeiðskor eru í lagi.

Vit eru fá í tali, men hóast tað er tú sera týdningarmikil bæði sum limur og starvsfelagið. 

Í løtuni verður arbeitt við at gera sáttmála við Kringvarp Føroya viðvíkjandi royalties og nýtslu av tilfarið har okkara limir hava, luttaka ella fara at luttaka, verður skipað heldur enn útnyttað.

Vit hava óteljandi ferðir upplivað at tilfar verður endurnýtt ella selt til 3. persón uttan samtykki ella at nøkur samsýning er avtalað. Við støðið í nýggju føroysku upphavsrættarlógini stremba vit fyri at fáa hesi viðurskifti í rætt lag.

Í hesum arbeiði er sjálvsagt at vit mugu standa saman og verja okkara rætt at byggja leiklist upp sum fakøki á føti við øll onnur í okkara lítla landi.

 

 

Les meira

Atgongumerkjasøla byrjað

NÚ kunnu áskoðarir fara inn á heimasíðuna hjá Norðurlandahúsinum og bílleggja atgongumerki til sýningarnar á Nordic Performing Arts Days.

Yvir 75 upptraðkandi norðurlendskir gestir kunnu upplivast í Norðurlandahúsinum, á Tjóðpallinum og øðrum størri og smærri pallum í Havn og á bygd.

Festivaltilboð: Keyp 4 ymiskar sýningar - betal fyri 3 ;-)

 

Atgongumerki til øll tey almennu tiltøkini kunnu bílleggjast á heimasíðuni hjá Norðurlandahúsinum

www.nlh.fo

 

Meira kunning á

www.nordicperformingartsdays.fo

www.facebook.com/nordicperformingartsdays

Føroyskt leikrit heiðrað til New Nordic Drama 2016

 

6 nýggj norðurlendsk leikrit verða heiðrað og pallsett á festivalinum New Nordic Drama í Føroyum.

Herímillum føroyska verkið “Tóm Rúm” eftir Majruna Kjelnæs Syderbø.

Aftur í ár verður væleyðnaði LeikREAD festivalurin settur á pall í Føroyum. Hesu ferð undir

felagsheitinum New Nordic Drama. Hetta er ein norðurlendskur reading-festivalur, har tey bestu

norðurlendsku leikritini frá 2014-2015 verða framførd sum pallsettar lesingar.

 

Tann 27. og 28. mai í ár fær tú møguleikan at uppliva hesu 6 nýggju norðurlendsku leikritini í

Norðurlandhúsinum í Havn.

Útvaldu verkini eru:

 

Nordic Performing Arts Days 2016

Leikarafelag Føroya verður vertur fyri stórum norðurlendskum festivali, sum verður 24. til 28. mei 2016. Vit kalla festivalin her heima stutt og greitt Dagarnir 2016 – og verður hetta størsta tiltak innan leiklist í fleiri ár. Skráin verður sera fjølbroytt og verður fyri allar málbólkar:

Forkvinna

Súsanna Tórgarð
Símunargøta 7
Fo-100 Tórshavn
(+298) 22 97 40
susannatorgard@gmail.com

Kassameistari

Laura Joensen
Undir Ryggi 11
Fo-100 Tórshavn
(+298) 21 05 49
pallaura@olivant.fo

Nevndarlimur

Gunnvá Zachariasen
Højgade 11, 2
DK-6100 Haderslev
(+45) 29 70 14 95 / (+298) 585828
gunnvaz@live.com

Tiltakslimur

Kristina Sørensen Ougaard
Tartinisvej 28,3.t.h
DK-2450 København SV
(+45) 26 16 95 16 / (+298) 512826
79kristina@gmail.com